（芋傳媒記者簡翊展報導）三十年前 ê 今仔日，鄭南榕為著台灣獨立自焚殉道，鄭南榕殉道三十年後 ê 今仔日，鄭南榕基金會 kah 基進黨、おばさん 聯盟、李江却台語文教基金會、「牽囡仔 ê 手 行台語 ê 路」共同佇榮星花園舉辦母語繪本親子野餐活動，予囝仔來熟識這个距離今仔日已經滿三十年 ê 名字——鄭南榕，並且用母語分享三本有關轉型正義 ê 囝仔冊，予囝仔來瞭解台灣 ê 歷史 kah 台灣未來 ê 方向。
基進黨新北黨部籌備處召集人蔡勁甫講，鄭南榕彼當時追求言論自由其實是為著追求建立家己 ê 國家，透過這个國家來保護咱 ê 自由 kah 文化，佇咧建國 ê 過程當中，咱這馬有一件足重要 ê 代誌，就是咱愛保護咱家己 ê 母語，所以真歡喜看著逐家願意來遮，嘛感謝逐家 ê 支持！
芋傳媒記者簡翊展攝
「牽囡仔 ê 手 行台語 ê 路」ê 台語媽媽表示，進前為著欲予囝仔有講台語 ê 囝仔伴，所以有舉辦幾場台語 ê 分享會，因為這馬父母欲 kā 母語 khioh 倒轉來是真大 ê 挑戰，所以需要有伴，母語這个代誌若無繼續講，真緊就會消逝去，這是足無彩 ê，為著欲予母語會使傳落去，阮遮有準備一張體檢表，逐家會使體檢講恁兜 ê 母語有健康無？抑是已經 kàu 愛住院 ê 程度矣？
芋傳媒記者簡翊展攝
台語媽媽嘛講著，語言是文化 ê 根基，咱遮 ê 台語家庭嘛足拍拚 kā 咱 ê 聲音傳出去，希望政府會使閣較重視，咱嘛捌舉辦像：tshuā 囝仔用台語去參觀博物館、tshuā 囝仔用台語去郵局寄批、用台語去菜市仔買菜，就是希望講予社會知影咱有這款 ê 需求，咱 ê 政府機關應該愛提供台語 ê 資源予講台語 ê 囝仔，這是未來咱希望咱會使做 ê，咱嘛邀請逐家開始 kah 恁 ê 囝仔講台語。
上尾仔，台語媽媽講，今仔日是言論自由日，希望民主 ê 精神 kah 母語攏會使囥佇囝仔 ê 心肝底，就親像種子會使發穎、會使大漢。
「台灣 ê 店」嘛提供免錢 ê 囝仔衫送予來參加活動 ê 囝仔，頭家吳成三講，衫若穿袂合會使閣提轉來換。吳成三嘛表示，「台灣 ê 店」內底有準備坐位，歡迎逐家作伙來看冊、互相交流！
芋傳媒記者簡翊展攝
今仔日頭一个分享 ê 故事是一本華語 ê 囝仔冊《愛唱歌的小熊》，這本冊是照白色恐怖受難者蔡焜霖 ê 故事作為模型，囝仔冊內底 ê 主角是一隻黑熊，有一日伊予一个歹心 ê 國王掠去關，連唱歌 ê 自由都去予人剝奪去，尾矣黑熊嘛佇監獄內底熟識真濟死忠兼換帖 ê 好朋友。
當年蔡焜霖前輩因為參加讀書會，去予國民黨判刑十冬，嘛佇政治黑牢內底熟識真濟朋友，尾矣出獄了後，蔡前輩成立《王子》雜誌社，因為真濟政治犯出獄了後 tshuē 無頭路，無頭家敢倩政治犯，所以蔡前輩就決定倩 in 來雜誌社鬥作穡。
芋傳媒記者簡翊展攝
第二个故事是《綠島人權燈塔》內底其中 ê 一段故事，故事當中用蜂來比喻台灣人，用草蜢仔來比喻外來統治者，故事頭仔是一陣逃亡 ê 草蜢仔欲來 kā 蜂借岫避難，草蜢仔閣向蜂講「草蜢仔 kah 蜂是『仝文仝種』ê 同胞」，蜂好心收留草蜢仔了後，草蜢仔煞來 kā 稻仔 kah 花食了了，尾仔蜂群為著欲予後代會使繼續佇這片土地生活，決定用命去 hām 草蜢仔拚生死，犧牲著真濟隻蜂，但是上尾總算趕走草蜢仔矣！
《綠島人權燈塔》是白色恐怖受難者郭振純用台語文所寫 ê 一本寓言故事，郭振純捌講過，彼陣蜂是為著後代 ê 生活來犧牲，這款 ê 犧牲是有價值 ê！
圖片來源：基進黨 提供
第三个故事是《說好不要哭》，《說好不要哭》是一本華語 ê 囝仔冊，「牽囡仔 ê 手 行台語 ê 路」ê 台語媽媽閣家己 kā 翻作白話字，台語媽媽毋但干焦講故事，閣用尪仔來搬予囝仔看，故事 ê 內容是以白色恐怖受難者陳欽生作為模型，故事佇講一隻海豬仔予人關佇籠仔內，海豬仔 in 老母費盡心力 tsiah 見著伊一面。
故事講煞了後，台語媽媽表示，進前捌有囝仔聽甲會驚，甚至是聽甲會吼，但是這是真真正正發生佇台灣 ê 故事，應該愛予咱 ê 囝仔知影，咱今仔日民主自由 ê 價值。
芋傳媒記者簡翊展攝
[taronews-styles book_title=”愛唱歌的小熊” book_author=”吳易蓁／繪者：廖佩慈” book_publisher=”玉山社” book_publish_date=”2017/05/12″ book_cover=”https://cdn.taronews.tw/files/2019/04/636296563792439316.jpg” book_link=”http://www.tipi.com.tw/books.php?pid=700″ book_link_text=”玉山社購書” ext_link_1=”http://www.eslite.com/product.aspx?pgid=1003119012591202&kw=愛唱歌的小熊&pi=0#” ext_link_text_1=”誠品書店購書” style=”book”][/taronews-styles]
[taronews-styles book_title=”綠島人權燈塔” book_author=”郭振純／繪者：陳玉珠” book_publisher=”前衛出版社” book_publish_date=”2018/05/18″ book_cover=”https://cdn.taronews.tw/files/2019/04/getImage.jpeg” book_link=”https://searchapi.biggo.com/taaze/r/?i=11100845616&purl=https://www.taaze.tw/goods/11100845616.html&q=綠島人權燈塔” book_link_text=”讀冊生活購書” ext_link_1=”https://www.books.com.tw/products/0010787301″ ext_link_text_1=”博客來購書” style=”book”][/taronews-styles]
[taronews-styles book_title=”說好不要哭” book_author=”吳易蓁／繪者：謝璧卉” book_publisher=”玉山社” book_publish_date=”2018/05/10″ book_cover=”https://cdn.taronews.tw/files/2019/04/9789862941997_bc.jpg” book_link=”http://www.tipi.com.tw/books.php?pid=723″ book_link_text=”玉山社購書” ext_link_1=”http://www.eslite.com/product.aspx?pgid=1003119012677533&kw=愛唱歌的小熊&pi=0#” ext_link_text_1=”誠品書店購書” style=”book”][/taronews-styles]
華語翻譯：
三十年前的今天，鄭南榕為了台灣獨立自焚殉道，鄭南榕殉道三十年後的今天，鄭南榕基金會和基進黨、歐巴桑聯盟、李江却台語文教基金會、「牽囡仔 ê 手 行台語 ê 路」一同在榮星花園舉辦母語繪本親子野餐活動，讓孩子來認識這個距離今天已經滿三十年的名字——鄭南榕，並且用母語分享三本有關轉型正義的童書，讓孩子來瞭解台灣的歷史及台灣未來的方向。
基進黨新北黨部籌備處召集人蔡勁甫說，鄭南榕那時候追求言論自由其實是為了追求建立自己的國家，透過這個國家來保護我們的自由及文化，在建國的過程當中，我們現在有一件很重要的事情，就是我們要保護我們自己的母語，所以很高興看到大家願意來這裡，也感謝大家的支持！
「牽囡仔 ê 手 行台語 ê 路」的台語媽媽表示，之前為了讓小孩有講台語的伴，所以有舉辦幾場台語的分享會，因為現在父母要將母語找回來是很大的挑戰，所以需要有伴，母語這個東西如果沒有繼續講，很快就會消逝去，這是很可惜的，為了要讓母語可以傳下去，我們這裡有準備一張體檢表，大家可以體檢看看你們家裡的母語有健康嗎？還是已經到了需要住院的程度了？
台語媽媽也提到，語言是文化的根基，我們這裡的台語家庭也很認真地將我們的聲音傳出去，希望政府可以更加重視，我們也曾舉辦像：帶小孩用台語去參觀博物館、帶小孩用台語去郵局寄信、用台語去菜市場買菜，就是希望說讓社會知道我們有這種需求，我們的政府機關應該要提供台語的資源給說台語的孩子，這是未來我們希望我們能夠做的，我們也邀請大家開始和你們的孩子講台語。
最後，台語媽媽說，今天是言論自由日，希望民主的精神和母語都可以放進孩子的心裡，就親像種子會使發穎、會使大漢。
「台灣 ê 店」也提供免費的童裝送給來參加活動的孩子，老闆吳成三說，衣服如果穿不合身可以拿來換。吳成三也表示，「台灣 ê 店」裡面有座位，歡迎大家一起來看書、互相交流！
今天第一個分享的故事是一本華語的童書《愛唱歌的小熊》，這本書是照白色恐怖受難者蔡焜霖的故事作為藍本，童書中的主角是一隻黑熊，有一天他被一個壞心的國王抓去關，連唱歌的自由都被人剝奪走了，最後黑熊也在監獄裡認識很多好朋友。
當年蔡焜霖前輩因為參加讀書會，被國民黨判刑十年，也在政治黑牢中認識很多朋友，後來出獄之後，蔡前輩成立《王子》雜誌社，因為很多政治犯出獄之後找不到工作，沒有老闆敢聘政治犯，所以蔡前輩就決定聘他們來雜誌社幫忙做事。
第二個故事是《綠島人權燈塔》內的其中一段故事，故事當中用蜜蜂來比喻台灣人，用蝗蟲來比喻外來統治者，故事開頭是一陣逃亡的蝗蟲要來和蜜蜂借巢避難，蝗蟲還向蜜蜂說「蝗蟲和蜜蜂是『同文同種』的同胞」，蜜蜂好心收留蝗蟲之後，蝗蟲卻將稻子和花朵吃完了，最後蜂群為了讓後代可以繼續在這片土地生活，決定用命去和蝗蟲搏個生死，犧牲了很多隻蜜蜂，但是最後總算趕走蝗蟲了！
《綠島人權燈塔》是白色恐怖受難者郭振純用台語文所寫的一本寓言故事，郭振純曾說過，那群蜜蜂是為了後代的生活而犧牲，這種犧牲是值得的！
第三個故事是《說好不要哭》，《說好不要哭》是一本華語的童書，「牽囡仔 ê 手 行台語 ê 路」的台語媽媽還自己把它翻作白話字，台語媽媽不只講故事，還用娃娃來演給孩子們看，故事的內容是以白色恐怖受難者陳欽生作為模型，故事在講一隻海豚被人關在籠子裡，海豚的媽媽費盡心力才見到他一面。
故事講完之後，台語媽媽表示，之前曾有小孩聽到會怕，甚至是聽到會哭，但是這是真實發生在台灣的故事，應該要讓我們的孩子知道，我們今天民主自由的價值。
芋傳媒記者簡翊展攝
台語漢字參考來源：
評論被關閉。