媠是sńg出來ê
人毋是因為老才停止 sńg，是因停止 sńg 人才會變老；人毋是因為 sńg 過頭才變 bái，是因為從來毋bat好好仔 sńg，性命失去活力才會變 bái。
世間 kan-taⁿ 有一種秘訣會 hō͘ 人永遠 siáu 年快樂，就是愛常笑、個性愛樂觀，閣 chài 來就是愛有夢想，人若無夢想，kan-taⁿ 是有 teh 喘氣，毋閣性命無熱情、無活力，這 kap 有體無魂的稻草人無 siáⁿ 差別，生活中 kài-chē 人無 kak 察 ka 己有 án-ne ê 狀態，日子 nn̄g 字對 in 來講 kan-taⁿ 是數字 tún-tha̍h 並無特殊 ê 意義。
日子 ê tún-tha̍h 像 thia̍p 磚仔仝款，愈 thia̍p 愈 koân，歲月 êkoân 度 hō͘ 人變老 kap 變大漢，put 過，變老 kap 變大漢是有真大 ê 差別，ta̍k-ê 人攏會變老，毋閣無一定 ta̍k-ê 人攏會變大漢。
一 ê「大漢」ê 人是愛通過生活濟濟 ê 考驗 kap 磨練，「大漢」ê 人愛有法度佇 chia ê 過程不斷 chhōe 著成長 ê 機會；「大漢」 ê 人愛有法度善用 chia ê 因緣活出改變 ê 命運。
通常有歲 ê 人，bē 對做過 ê tāi-chì 感覺後悔，m̄-koh 卻會記 tiâu-tiâu 少年 ê 時陣想 beh 做 soah 無法度做 ê tāi-chì，這變 chiâⁿ 是性命 ê khiàm-khoeh 甚至會是人生 ê 遺憾。遺憾會 hō͘ 人感覺時間不夠，性命 siuⁿ 短，會 hō͘ 人對死亡產生驚 hiâⁿ，khah-sú 你 iáu 有想 beh 做 ê 代誌無做 iáu-bē 實現，mài 閣 tiû-tû，因為時間往往 m̄ 是關鍵，想法才是重點，轉念會幫贊性命 sńg 出活力 kap 精彩，毋管年紀偌大，只要 hā 定決心 the̍h 出熱情，夢想攏會實現。
所 pái，歲月這 ê 考官是公平 –ê，毋管你閣 teh 籌躕 ia̍h 是已經 hòng-táⁿ 去做，伊目睭會 thián 金金看你性命的旅程是 sńgliáu 媠 ia̍h 是 bái，伊 ê 腳步分秒無停腳 tiāⁿ-tio̍h 會出考題印證你大漢 iáu-bē？Ia̍h 是 kan-taⁿ 變老 niā-niā？Put 過，終其尾你 ê 性命是欲大漢 ia̍h 是 kan-taⁿ 變老；生活的色 tī 是欲彩色 ia̍h 是烏 phú，毋是天 teh 決定，是你 teh 決定。
你態度會決定你欲「Sńg」出 siáⁿ-mi̍h 款的人生。
華語翻譯：
美是玩出來的
人不是因為老才停止玩，而是因停止玩人才會變老；人不是因為玩過頭才變不好，而是因為從未好好玩，生命失去活力才會變不美。
世上讓人永遠年輕快樂的秘訣只有一種，就是生性樂觀及笑口常開，再來是一定要保有夢想，一個沒有夢想的生命猶如行屍走肉，雖然會呼吸卻無法展現生命的熱情與活力，這與豎立在田中央的稻草人沒什麼太大差別，生活中有很多人並未察覺自己有這樣的狀態，日子二字對他們來說只是數字的堆疊並無特殊的意義。
日復一日的生活像是堆疊的磚塊一樣，愈疊愈高，歲月的高度讓人變老以及長大，不過，變老與長大二者之間是有很大的差別，人人都會變老但不一定都會長大。
一個「長大」的人得通過生活中諸多的考驗與磨練；「長大」的人要能在這些歷程中找到成長的機會；「長大」的人要有辦法善用這些因緣活出改變的命運。
通常上了年紀的人，不會對做過的事而感到後悔，不過卻會記得年少時想做卻沒做的事，這成為性命的欠缺甚至會是人生的遺憾。
遺憾會讓人感覺時間不夠，生命太短，會讓人對死亡感到害怕，假如你還有想要做的事還未實現，別再猶豫不決，因為時間往往不是關鍵，想法才是重點，轉念會幫助生命玩出活力和精彩，不管年紀多大，只要下定決心拿出熱情，夢想都會實現。
所以，歲月的考官是公平的，不管你是否還在猶豫又或是已放膽去做，祂會睜大雙眼盯看你的生命之旅玩的漂亮還是差勁，祂的腳步分秒不停歇，鐵定會出考題印證你長大了沒有或是只是變老而已？不過，最終你的生命是要長大還是只變老而已；生活的顏色是要彩色還是黑暗，不是天在決定，是你在決定。
你的態度會決定你要「玩」出什麼樣的人生。
評論被關閉。